ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့၊ ရုံးကြီးရပ်ကွက်၊ တိုင်းဒေသကြီးအစိုးရအဖွဲ့ရုံးရှေ့ ဓမ္မသဘင် မဏ္ဍပ်၌ ကျင်းပပြုလုပ်သည့် မြန်မာနှစ်သစ်ကူးတရားသဘင်ပူဇော်ပွဲ အခမ်းအနားသို့ တက်ရောက်

၂၀၂၆ ခုနှစ်၊ ဧပြီလ ၁၉ ရက်၊ ည ၇ နာရီတွင် ပဲခူးတိုင်းဒေသကြီး၊ ပဲခူးခရိုင်၊ ပဲခူးမြို့၊ ရုံးကြီး ရပ်ကွက်၊ ဆေးရုံလမ်းနှင့်ပြည်တော်သာလမ်း၊ တိုင်းဒေသကြီးအစိုးရအဖွဲ့ရုံးရှေ့ ဓမ္မသဘင်မဏ္ဍပ်၌ တိုင်းဒေသကြီးအစိုးရအဖွဲ့မှ ကြီးမှူးကျင်းပသည့် ဆဌမအကြိမ်မြောက် မြန်မာနှစ်သစ်ကူးတရား အလှူတော် ဓမ္မသဘင်ပူဇော်ပွဲအခမ်းအနားသို့ ဝန်ကြီးချုပ် ဦးမျိုးဆွေဝင်းနှင့်ဇနီး ဒေါ်စိုးစိုးသက်၊ အစိုးရ အဖွဲ့ဝင်ဝန်ကြီးများ၊ တိုင်းဒေသကြီးလွှတ်တော်ဥက္ကဋ္ဌ ဦးအောင်ချိုဦးနှင့်ဇနီး၊ တိုင်းဒေသကြီးအစိုးရ အဖွဲ့အတွင်းရေးမှူး တိုင်းဒေသကြီးအုပ်ချုပ်ရေးမှူး ဦးကျော်စိုးနှင့်ဇနီး၊ သက်ဆိုင်ရာဌာနတာဝန်ရှိသူ များနှင့်အတူ တက်ရောက်ခဲ့ပြီး ဓမ္မပူဇာအလှူငွေ ၇၅ သိန်းကျပ်နှင့် လှူဖွယ်ပစ္စည်းများ ဆက်ကပ် လှူဒါန်းခဲ့ကြောင်း သတင်းရရှိပါသည်။