ရှမ်းပြည်နယ်၊ တောင်ကြီးခရိုင်၊ တောင်ကြီးမြို့နယ်၊ အသုံးတော်ကျေးရွာအုပ်စု၊ တွန်မုန်းကျေးရွာ၊ တွန်မုန်းဘုန်းကြီးကျောင်း၌ မြို့နယ်အတွင်းရှိ နွေစပါးစိုက်ပျိုးတောင်သူများထံသို့ လက်ဝယ်အရောက် စက်သုံးဆီဖြန့်ဖြူးရောင်းချခြင်းအခမ်းအနားသို့ တက်ရောက်

၂၀၂၆ ခုနှစ်၊ ဧပြီလ ၂၃ ရက်၊ နံနက် ၈ နာရီ ၃၀ မိနစ်တွင် ရှမ်းပြည်နယ်၊ တောင်ကြီးခရိုင်၊ တောင်ကြီး မြို့နယ်၊ အသုံးတော်ကျေးရွာအုပ်စု၊ တွန်မုန်းကျေးရွာ၊ တွန်မုန်းဘုန်းကြီးကျောင်း၌ ပြည်နယ်အစိုးရ အဖွဲ့နှင့် လျှပ်စစ်နှင့်စွမ်းအင်ဝန်ကြီးဌာနတို့ပူးပေါင်း၍ မြို့နယ်အတွင်းရှိ နွေစပါးစိုက်ပျိုးတောင်သူများ၏ လက်ဝယ်အရောက် စက်သုံးဆီဖြန့်ဖြူးရောင်းချခြင်းအခမ်းအနားသို့ ပြည်နယ်အစိုးရအဖွဲ့ဝင် ပြည်နယ် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးလင်းအောင်ဆွေ၊ ရေနံထွက်ပစ္စည်းကြီးကြပ် စစ်ဆေးရေးဦးစီးဌာနမှတာဝန်ရှိသူများ၊ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ခရိုင် အုပ်ချုပ်ရေးမှူး ဦးတင့်လှိုင်၊ ကျေးရွာအုပ်စုအုပ်ချုပ်ရေးမှူးများနှင့် နွေစပါးစိုက်ပျိုးသည့် တောင်သူများ စုစုပေါင်းအင်အား ၅၀၀ ဦး တက်ရောက်ခဲ့ကြောင်း သတင်းရရှိပါသည်။