(၇၇)နှစ်မြောက် ပြည်ထောင်စုနေ့အခမ်းအနား အောင်မြင်စွာကျင်းပနိုင်ရေး အကြိုလုပ်ငန်းညှိနှိုင်း အစည်းအဝေးကျင်းပ

၆-၂-၂၀၂၄

ရှမ်းပြည်နယ်၊ လွိုင်လင်ခရိုင်အထွေထွေအုပ်ချုပ်ရေးဦးစီးဌာနရုံး၊ အစည်းအဝေးခန်းမ၌ (၆-၂-၂၀၂၄)ရက်၊ (၀၉၃၀)အချိန်တွင် (၇၇)နှစ်မြောက် ပြည်ထောင်စုနေ့အခမ်းအနား အောင်မြင်စွာ ကျင်းပနိုင်ရေး အကြိုလုပ်ငန်းညှိနှိုင်းအစည်းအဝေးကျင်းပပြုလုပ်ခဲ့ရာ အစည်းအဝေးသို့ ခရိုင်စီမံ အုပ်ချုပ်ရေးအဖွဲ့ဥက္ကဋ္ဌ ဦးကံစောလှိုင် (ခရိုင်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ၊ ခရိုင်/ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ခရိုင်အဆင့်ဌာနဆိုင်ရာများမှ တာဝန်ရှိသူများ နှင့်အတူ စုစုပေါင်းအင်အား (၄၀)ဦးတို့ တက်ရောက်ခဲ့ကြောင်း သတင်းရရှိပါသည်။

သဘာဝဘေးလျော့ပါးရေး စေတနာ့ဝန်ထမ်းလူငယ်ဆင့်ပွားသင်တန်းဖွင့်ပွဲကျင်းပ

၅-၂-၂၀၂၄

ရှမ်းပြည်နယ်၊ လွိုင်လင်ခရိုင်ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ခရိုင်ဦးစီးမှူးရုံး၌ (၅-၂-၂၀၂၄)ရက်၊ (၀၉၃၀)အချိန်တွင် သဘာဝဘေးလျော့ပါးရေး စေတနာ့ဝန်ထမ်း လူငယ်ဆင့်ပွား သင်တန်းဖွင့်ပွဲကျင်းပပြုလုပ်ခဲ့ရာ သင်တန်းဖွင့်ပွဲသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကံစောလှိုင် (ခရိုင်အုပ်ချုပ်ရေးမှူး)၊ ခရိုင်စီမံအုပ်ချုပ်ရေးအဖွဲ့ အဖွဲ့ဝင်များ၊ ခရိုင်အဆင့်ဌာနဆိုင်ရာများမှ တာဝန်ရှိသူများ၊ ဒေသခံလူငယ်များ စုစုပေါင်းအင်အား (၃၀)ဦးတို့ တက်ရောက်ခဲ့ကြပါသည်။ အဆိုပါ သင်တန်းကို သင်တန်းသားဦးရေ (၃၀)ဦးဖြင့် (၅-၂-၂၀၂၄)ရက်မှ (၇-၂-၂၀၂၄)ရက်နေ့အထိ (၃) ရက် အကြာ ဖွင့်လှစ်သင်ကြားမည်ဖြစ်ကြောင်း သတင်းရရှိပါသည်။

ခြံစည်းရိုးကာရံခြင်းလုပ်ငန်းနှင့် ရေထုတ်မြောင်းပြုလုပ်ခြင်းလုပ်ငန်းများ ဆောင်ရွက်ပြီးစီးမှု အခြေအနေများအား ကွင်းဆင်းစစ်ဆေး

၃၁-၁-၂၀၂၄

ရှမ်းပြည်နယ်၊ လွိုင်လင်ခရိုင်၊ အစိုးရနည်းပညာအထက်တန်းကျောင်း၌ (၃၁-၁-၂၀၂၄)ရက်၊ (၀၉၃၀)အချိန်တွင် ပြည်ထောင်စုရန်ပုံငွေကျပ် (၁၉၉.၀၀)သန်းဖြင့် အောင်ကောင်းကုမ္ပဏီမှ တာဝန်ယူဆောင်ရွက်သည့် ကျောင်းဝင်း ကွန်ကရစ်တိုင် Chain Link ခြံစည်းရိုးကာရံခြင်း လုပ်ငန်းနှင့် ပြည်ထောင်စုရန်ပုံငွေကျပ်(၃၉.၂၀)သန်းဖြင့် တာဝန်ယူဆောင်ရွက်သည့် ကျောင်းတွင်း ရေထုတ်မြောင်းပြုလုပ်ခြင်းလုပ်ငန်းများ ဆောင်ရွက်ပြီးစီးမှုအခြေအနေတို့အား ခရိုင်တည်ဆောက်ရေး နှင့်လုပ်ငန်းစိစစ်ရေးကော်မတီအဖွဲ့ဥက္ကဋ္ဌ ဦးကံစောလှိုင်(ခရိုင်အုပ်ချုပ်ရေးမှူး)သည် ခရိုင်စီမံအုပ်ချုပ်ရေး အဖွဲ့ အဖွဲ့ဝင်များ၊ ခရိုင်တည်ဆောက်ရေးနှင့်လုပ်ငန်းစိစစ်ရေးကော်မတီအဖွဲ့ အဖွဲ့ဝင်များ၊ မြို့နယ် စည်ပင်သာယာရေး အဖွဲ့အမှုဆောင်အရာရှိတို့နှင့်အတူ ကွင်းဆင်းကြည့်ရှုစစ်ဆေးခဲ့ကြောင်း သတင်း ရရှိပါသည်။

ငဖဲမြို့နယ်၌ ပညာရေးစုံညီပွဲတော်နှင့် ဆုပေးပွဲအခမ်းအနားကျင်းပ

၂၅-၁-၂၀၂၄

မကွေးတိုင်းဒေသကြီး၊ မင်းဘူးခရိုင်၊ ငဖဲမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်စိုး (မြို့နယ်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များနှင့်အတူ (၂၅-၁-၂၀၂၄) ရက်၊ (၀၉၀၀)အချိန်တွင် မြို့နယ်အတွင်းရှိ အ.ထ.က(ငဖဲ) ကျောင်းပညာရေးစုံညီပွဲတော်သို့ တက်ရောက်ခဲ့ကြပါသည်။ အဆိုပါပညာရေးစုံညီပွဲတော်၌ မြို့နယ်ပညာရေးမှူးက အမှာစကား ပြောကြားခြင်း၊ ပညာရေးစုံညီပွဲတော်ကျင်းပရခြင်းနှင့် ပတ်သက်၍ ရှင်းလင်းပြောကြားခြင်းများ ဆောင်ရွက်ခဲ့ပြီး (A)အဆင့်ရရှိသော ကျောင်းသား/ သူများ၊ ကာယ ဉာဏဘက်စုံဖွံ့ဖြိုးဆုရရှိသော ကျောင်းသား/ သူများအား ဂုဏ်ပြုဆုနှင့် ဂုဏ်ပြုမှတ်တမ်းလွှာများကို ချီးမြှင့်ပေးအပ်ခဲ့ကြောင်း သတင်းရရှိပါသည်။

နိုင်ငံ့ဝန်ထမ်းပင်စင်စားများအား သက်သာသောဈေးနှုန်းဖြင့် အခြေခံစားသောက်ကုန်များ ရောင်းချ ပေးနေမှုအခြေအနေအား ကွင်းဆင်းစစ်ဆေး

၂၄-၁-၂၀၂၄

ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်၊ မြန်မာ့စီးပွားရေးဘဏ်၌ (၂၄-၁-၂၀၂၄) ရက်၊ (၀၈၃၀)အချိန်တွင် တိုင်းဒေသကြီးအစိုးရအဖွဲ့၏ ကြီးကြပ်မှုဖြင့် နိုင်ငံ့ဝန်ထမ်းပင်စင်စား များအား ဆန်၊ ဆီနှင့် ကြက်ဥ စသည့်အခြေခံစားသောက်ကုန်များ သက်သာသောဈေးနှုန်းဖြင့် ရောင်းချပေးနေမှုအခြေအနေအား ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးရည်မွန် (ခရိုင်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်/ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ဌာနဆိုင်ရာ တာဝန်ရှိသူများနှင့်အတူ ကွင်းဆင်းကြည့်ရှုစစ်ဆေးခဲ့ကြောင်း သတင်းရရှိပါသည်။

ဗုဒ္ဓပူဇနိယပွဲတော်နှင့် ဆွမ်းဆန်စိမ်းလောင်းလှူပွဲကျင်းပ

၂၅-၁-၂၀၂၄

ရှမ်းပြည်နယ်၊ မိုင်းဖြတ်ခရိုင်၊ မိုင်းဖြတ်မြို့နယ်၊ အမှတ်(၁၈)၊ စစ်ဆေးရေးကွပ်ကဲမှု ဌာနချုပ်ရှိ စွန်တောင်းဘုရား၌ (၂၅-၁-၂၀၂၄)ရက်၊ (၀၉၀၀)အချိန်တွင် ဗုဒ္ဓပူဇနိယပွဲတော်နှင့် ဆွမ်းဆန်စိမ်းလောင်းလှူပွဲကျင်းပပြုလုပ်ခဲ့ရာ အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးညီညီအောင် (မြို့နယ်အုပ်ချုပ်ရေးမှူး)၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ မြို့နယ်အဆင့် ဌာနဆိုင်ရာတာဝန်ရှိသူများ၊ မြို့မိ/ မြို့ဖများနှင့် ရှမ်းတိုင်းရင်းသားပြည်သူများ တက်ရောက် ခဲ့ကြပါသည်။ အဆိုပါအခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဆောင်၍ ဌာနဆိုင်ရာ တာဝန်ရှိသူများက ဆရာတော်၊ သံဃာတော်များအား ဆွမ်းဆန်စိမ်းများ လောင်းလှူခဲ့ကြောင်း သတင်းရရှိပါသည်။

သန်းခေါင်စာရင်းယူနစ်များ (Census Unit)တွင် အဆောက်အအုံစာရင်းတင်ခြင်းနှင့် ဆွဲတင်စစ် လုပ်ငန်းဆောင်ရွက်နေမှုအခြေအနေအား ကြည့်ရှုစစ်ဆေး

၂၃-၁-၂၀၂၄

ရှမ်းပြည်နယ်၊ မိုင်းယန်းခရိုင်၊ မိုင်းယန်းမြို့နယ်၊ ဟိုကပ်ရပ်ကွက်အတွင်း၌ (၂၃-၁-၂၀၂၄)ရက်၊ (၁၄၃၀)အချိန်တွင် ၂၀၂၄ ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူခြင်း လုပ်ငန်းအတွက် မြို့ပြရပ်ကွက်များတွင် သန်းခေါင်စာရင်းယူနစ်များ (Census Unit) တွင် အဆောက်အအုံစာရင်းတင်ခြင်းနှင့် ဆွဲတင်စစ်လုပ်ငန်း ဆောင်ရွက်နေမှုအခြေအနေအား ဒုတိယ ခရိုင်အုပ်ချုပ်ရေးမှူး ဦးမန်ကိုဟောသည် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ မြို့နယ်ဦးစီးမှူးရုံးမှ တာဝန်ရှိသူများ၊ ခရိုင်သန်းခေါင်စာရင်းကော်မတီအတွင်းရေးမှူးနှင့် ကော်မတီ ဝင်များ၊ မြို့နယ်သန်းခေါင်စာရင်းကော်မတီဥက္ကဋ္ဌနှင့် ကော်မတီဝင်များနှင့်အတူ ကြည့်ရှုစစ်ဆေး ခဲ့ပြီး လိုအပ်သည်များပေါင်းစပ်ညှိနှိုင်းဆောင်ရွက်ခဲ့ကြောင်း သတင်းရရှိပါသည်။

ဘွဲ့နှင်းသဘင်ခန်းမပြင်ဆင်ခြင်းလုပ်ငန်း အချိန်မီပြီးစီးနိုင်ရေး ဆောင်ရွက်ခြင်းရှိ/ မရှိ ကွင်းဆင်း စစ်ဆေး

၂၃-၁-၂၀၂၄

ရှမ်းပြည်နယ်၊ လွိုင်လင်ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကံစောလှိုင် (ခရိုင်အုပ်ချုပ်ရေးမှူး) သည် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်/ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ခရိုင် တည်ဆောက်ရေးနှင့် လုပ်ငန်းစိစစ်ရေးကော်မတီအဖွဲ့ အဖွဲ့ဝင်များ၊ ပင်လုံတက္ကသိုလ်မှ တာဝန်ရှိသူများ နှင့်အတူ (၂၃-၁-၂၀၂၄)ရက်၊ (၁၀၀၀)အချိန်တွင် ၂၀၂၃-၂၀၂၄ ဘဏ္ဍာရေးနှစ်အတွင်း လင်းမြတ်နိုင် ကုမ္ပဏီမှ ပြည်ထောင်စုရန်ပုံငွေကျပ်(၁၂၁၇.၃၆၉)သန်းဖြင့် တာဝန်ယူဆောင်ရွက်သည့် လွိုင်လင်မြို့နယ်၊ ပင်လုံတက္ကသိုလ် ဘွဲ့နှင်းသဘင်ခန်းမ၌ ပြင်ဆင်ရန်ကျန်ရှိ နေသည့်နေရာများအား ၂၀၂၂ -၂၀၂၃ ပညာသင်နှစ်အတွင်း ဘွဲ့ရကျောင်းသား/ သူများအတွက် ဘွဲ့နှင်းသဘင်ကျင်းပနိုင်ရေး အချိန်မီ ပြီးစီးအောင် ဆောင်ရွက်ပေးမှုရှိ/ မရှိ ကွင်းဆင်းကြည့်ရှုစစ်ဆေးခဲ့ပြီး လိုအပ်သည်များညှိနှိုင်း ဆောင်ရွက်ပေးခဲ့ကြောင်း သတင်းရရှိပါသည်။

စိုက်မွေး စက်မှုကျောင်းဆောင်သစ်တည်ဆောက်ခြင်းလုပ်ငန်း ဆောင်ရွက်နေမှုအခြေအနေအား ကွင်းဆင်းစစ်ဆေး

၂၂-၁-၂၀၂၄

ရှမ်းပြည်နယ်၊ လွိုင်လင်ခရိုင်၊ လွိုင်လင်မြို့နယ်၊ ပင်လုံမြို့၊ အ.ထ.က(၁)၌ (၂၂-၁-၂၀၂၄) ရက်၊ (၁၀၀၀)အချိန်တွင် ပြည်နယ်ခွင့်ပြုရန်ပုံငွေကျပ် (၇၄၇.၀၅)သန်းဖြင့် Lucky 7 ကုမ္ပဏီမှ တာဝန်ယူဆောင်ရွက်သည့် RC(၁)ထပ် စိုက်မွေး စက်မှုကျောင်းဆောင်သစ် တည်ဆောက်ခြင်း လုပ်ငန်းဆောင်ရွက်နေမှုနှင့် ပြည်နယ်ခွင့်ပြုရန်ပုံငွေကျပ် (၇၄၇.၀၇၉)သန်းဖြင့် မိုးယံဝင့်ချီ ကုမ္ပဏီမှ တာဝန်ယူဆောင်ရွက်သည့် RCC ကျောင်းဆောင် တည်ဆောက်ခြင်းလုပ်ငန်း ဆောင်ရွက် ပြီးစီးမှုအခြေအနေတို့အား ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကံစောလှိုင်(ခရိုင်အုပ်ချုပ်ရေးမှူး) သည် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်/ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ခရိုင်တည်ဆောက်ရေးနှင့် လုပ်ငန်းစိစစ်ရေးကော်မတီအဖွဲ့ အဖွဲ့ဝင်များနှင့်အတူ ကွင်းဆင်း ကြည့်ရှုစစ်ဆေးခဲ့ပြီး လိုအပ်သည်များညှိနှိုင်းဆောင်ရွက်ပေးခဲ့ကြောင်း သတင်းရရှိပါသည်။