တတိယအကြိမ်မြောက် အာစရိယဂုဏပူဇာပွဲကျင်းပ

၁၇-၁-၂၀၂၅

ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ ရန်ကင်းမြို့နယ်၊ အမှတ်(၁၁)ရပ်ကွက်၊ ကံဘဲ့ဘူတာရုံလမ်းရှိ ပဥ္ဇနိကာယသာသနာ့ဗိမာန်ကျောင်းတိုက်ကြီး၌ (၁၇-၁-၂၀၂၅)ရက်၊ (၀၈၃၀)အချိန်တွင် ကျေးဇူးတော်ရှင် တိုက်တည်ဆရာတော်ကြီး(၃)ပါးတို့အား ကျေးဇူးဆပ် ပူဇော်ပွဲနှင့် စာချစာသင် ပဓာနနာယကဆရာတော်၊ မဟာနာယကဆရာတော်ကြီးများကို ပဥ္ဇနိကာယဝံသတပည့်များမှ တတိယအကြိမ်မြောက် အာစရိယဂုဏပူဇာပွဲ အခမ်းအနား ကျင်းပပြုလုပ်ခဲ့ရာ အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမင်းမင်းလတ် (မြို့နယ်အုပ်ချုပ်ရေးမှူး)၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ မိုးကောင်းစေတီတော် ဂေါပကအဖွဲ့ဥက္ကဋ္ဌနှင့်အဖွဲ့ဝင်များ၊ မြို့မိမြို့ဖများနှင့် အလှူရှင်များ တက်ရောက်ခဲ့ကြပါသည်။ အဆိုပါအခမ်းအနားတွင် မြို့နယ်အုပ်ချုပ်ရေးမှူးက အလှူရှင်များ၏ လှူဒါန်းငွေများအား ဆရာတော်ကြီးများကိုယ်စား လက်ခံဆောင်ရွက်ခဲ့ပါကြောင်း သတင်းရရှိပါသည်။

ပညာရေးစုံညီပွဲတော်နှင့် သုံးထပ်ကျောင်းဆောင်သစ်ဖွင့်ပွဲအခမ်းအနားကျင်းပ

၁၆-၁-၂၀၂၅

ရှမ်းပြည်နယ်၊ မူဆယ်ခရိုင်၊ မူဆယ်မြို့၊ အမှတ်(၁) အခြေခံပညာအထက်တန်းကျောင်း၌ (၁၆-၁-၂၀၂၅)ရက်၊ (၀၉၀၀)အချိန်တွင် ၂၀၂၄-၂၀၂၅ ပညာသင်နှစ်၊ ပညာရေးစုံညီပွဲတော်နှင့် သုံးထပ်ကျောင်းဆောင်သစ်ဖွင့်ပွဲအခမ်းအနား ကျင်းပပြုလုပ်ခဲ့ရာ အခမ်းအနားသို့ ခရိုင်စီမံ အုပ်ချုပ်ရေးအဖွဲ့ဥက္ကဋ္ဌ ဦးအောင်ဇော်မိုး (ခရိုင်အုပ်ချုပ်ရေးမှူး)၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ၊ ခရိုင်/ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ ဌာနဆိုင်ရာ အကြီးအကဲများ၊ ကျောင်းအုပ်ကြီးနှင့် ဆရာ/ ဆရာမများ၊ ကျောင်းသားမိဘများနှင့် ကျောင်းသား/ ကျောင်းသူများ တက်ရောက်ခဲ့ကြပါသည်။ အဆိုပါအခမ်းအနားတွင် ခရိုင်/ မြို့နယ်စီမံအုပ်ချုပ်ရေးအဖွဲ့က ဖဲကြိုးဖြတ်ဖွင့်လှစ်ပေးခြင်း၊ ခရိုင်အုပ်ချုပ်ရေးမှူးက အဖွင့်အမှာစကားပြောကြားခြင်းနှင့် ကျောင်းသား/ ကျောင်းသူများက အကဖြင့် ဖျော်ဖြေတင်ဆက်ခြင်းတို့ဆောင်ရွက်ခဲ့ပြီး စာစီစာကုံး ပြိုင်ပွဲတွင် ဆုရရှိသော ကျောင်းသား/ ကျောင်းသူများအား ဂုဏ်ပြုမှတ်တမ်းနှင့် ဆုတော်ငွေများ ချီးမြှင့်ပေးအပ်ခဲ့ကြောင်း သတင်းရရှိပါသည်။

ရဲဗလဂုဏ်ထူးဆောင်တံဆိပ် ချီးမြှင့်ခြင်းခံရသည့် ရပ်ကွက်အုပ်ချုပ်ရေးမှူးအား ဆုတံဆိပ်နှင့် ချီးမြှင့်ငွေများ ပေးအပ်

၁၆-၁-၂၀၂၅

ရန်ကုန်တိုင်းဒေသကြီး၊ မင်္ဂလာဒုံခရိုင်၊ ရွှေပြည်သာမြို့နယ်အထွေထွေအုပ်ချုပ်ရေးဦးစီး ဌာနရုံး၊ အစည်းအဝေးခန်းမ၌ (၁၆-၁-၂၀၂၅)ရက်၊ (၁၀၀၀)အချိန်တွင် နိုင်ငံတော်စီမံအုပ်ချုပ်ရေး ကောင်စီ၏ အမိန့်ကြော်ငြာစာအမှတ် (၁၉၂/၂၀၂၄)ဖြင့် ရဲဗလဂုဏ်ထူးဆောင်တံဆိပ် ချီးမြှင့်ခြင်း ခံရသည့် အမှတ်(၁၀)ရပ်ကွက်၊ အုပ်ချုပ်ရေးမှူးအား ဆုတံဆိပ်နှင့် ချီးမြှင့်ငွေများ ပေးအပ်ပွဲ အခမ်းအနားကျင်းပပြုလုပ်ခဲ့ရာ အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်ဦး (မြို့နယ်အုပ်ချုပ်ရေးမှူး)၊ မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ အမှတ်(၁၀) ရပ်ကွက်အုပ်ချုပ်ရေးမှူးတို့ တက်ရောက်ခဲ့ကြပါသည်။ အဆိုပါအခမ်းအနားတွင် မြို့နယ်အုပ်ချုပ် ရေးမှူးက ရဲဗလဂုဏ်ထူးဆောင်တံဆိပ် ချီးမြှင့်ခြင်းခံရသည့် အုပ်ချုပ်ရေးမှူးအား ရဲဗလ ဆုတံဆိပ် (၁)ခု၊ ဖဲကြိုး (၁)ခုနှင့် တစ်လုံးတစ်ခဲတည်းချီးမြှင့်ငွေ (၃၀၀,၀၀ဝိ/-) ပေးအပ် ခဲ့ကြောင်း သတင်းရရှိပါသည်။

ပြည်သူများ သက်သာချောင်ချိရေးအတွက် ကြက်ဥများ ဈေးနှုန်းချိုသာစွာရောင်းချနေမှု အခြေအနေအား ကွင်းဆင်းစစ်ဆေး

၁၆-၁-၂၀၂၅

ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ ရန်ကင်းမြို့နယ်၊ အမှတ်(၂)ရပ်ကွက်၊ စည်ပင်လမ်းသစ်လမ်း၊ စံပြရန်ကင်းဈေး၌ ပြည်သူများ သက်သာချောင်ချိရေးအတွက် တိုင်းဒေသကြီးအစိုးရအဖွဲ့၏ ဦးဆောင်မှုဖြင့် ပြည်ထောင်စုသမ္မတမြန်မာနိုင်ငံကုန်သည်များ၊ စက်မှုလက်မှုလုပ်ငန်းရှင်များအသင်းချုပ်နှင့် မြန်မာနိုင်ငံမွေးမြူရေးလုပ်ငန်းအဖွဲ့ချုပ်တို့ ပူးပေါင်း၍ ကြက်ဥများ ဈေးနှုန်းချိုသာစွာရောင်းချနေမှုအခြေအနေအား (၁၆-၁-၂၀၂၅)ရက်၊ (၀၇၀၀) အချိန်တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမင်းမင်းလတ်(မြို့နယ်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ မြို့နယ်စည်ပင်သာယာရေးကော်မတီမှ တာဝန်ရှိသူများ၊ ရပ်ကွက်/ ကျေးရွာအုပ်စု အုပ်ချုပ်ရေးမှူးများနှင့်အတူ ကွင်းဆင်းစစ်ဆေးခဲ့ကြောင်း သတင်း ရရှိပါသည်။

ဒုတိယအကြိမ်ညှိနှိုင်းအစည်းအဝေးကျင်းပ

၁၅-၁-၂၀၂၅

ပြည်ထောင်စုနယ်မြေ၊ နေပြည်တော်၊ အထွေထွေအုပ်ချုပ်ရေးဦးစီးဌာန(ရုံးချုပ်)၊ အစည်းအဝေးခန်းမ၌ (၁၅-၁-၂၀၂၅)ရက်၊ (၁၀၀၀)အချိန်တွင် မြန်မာ - အိန္ဒိယနှစ်နိုင်ငံအကြား မြန်ဆန်စွာအကျိုးဖြစ်ထွန်းစေမည့်စီမံကိန်း (Quick Impact Project - QIP) အရ ဆောင်ရွက်မည့် စီမံချက်များအတွက် စီမံဆိုင်ရာ စောင့်ကြည့်စစ်ဆေးရေးပူးတွဲကော်မတီများ၏ ဒုတိယအကြိမ် ညှိနှိုင်းအစည်းအဝေး ကျင်းပပြုလုပ်ခဲ့ရာ အစည်းအဝေးသို့ "မြန်မာနိုင်ငံအုပ်ချုပ်ရေးပညာဖွံ့ဖြိုးမှု သင်တန်းကျောင်းအတွက် သင်ကြားရေးအထောက်အကူပြု ပစ္စည်းကိရိယာများ ထောက်ပံ့ပေးခြင်း" စီမံချက်ဆိုင်ရာ ပူးတွဲကော်မတီ (JPMC)ဥက္ကဋ္ဌ ဦးမြင့်သန်း(အထွေထွေအုပ်ချုပ်ရေးဦးစီးဌာန၊ ညွှန်ကြားရေးမှူးချုပ်)၊ အိန္ဒိယသံရုံးမှ တာဝန်ရှိသူများ၊ မှုခင်းရဲတပ်ဖွဲ့မှ တာဝန်ရှိသူများနှင့် JPMC အဖွဲ့ဝင်များ တက်ရောက်ခဲ့ကြပါသည်။ အဆိုပါအစည်းအဝေးတွင် (Quick Impact Project-QIP)အရ ဆောင်ရွက်မည့်စီမံချက်များ (မြန်မာနိုင်ငံရဲတပ်ဖွဲ့၊ အထွေထွေအုပ်ချုပ်ရေး ဦးစီးဌာန)အား ၂၀၂၄-၂၀၂၅ ဘဏ္ဍာရေးနှစ်အတွင်း အပြီးသတ်ဆောင်ရွက်နိုင်ရေးအတွက် တင်ဒါလုပ်ငန်းများ စနစ်တကျဖြစ်စေရေးနှင့် လုပ်ထုံးလုပ်နည်းနှင့်အညီဆောင်ရွက်နိုင်ရေး ညှိနှိုင်း ဆွေးနွေးခြင်းများ ဆောင်ရွက်ခဲ့ကြောင်း သတင်းရရှိပါသည်။

အုပ်ချုပ်ရေးမှူးရုံး ဆောက်လုပ်နေမှုအခြေအနေအား ကွင်းဆင်းစစ်ဆေး

၁၅-၁-၂၀၂၅

ရန်ကုန်တိုင်းဒေသကြီး၊ သန်လျင်ခရိုင်၊ ကျောက်တန်းမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဘုန်းခန့်အောင် (မြို့နယ်အုပ်ချုပ်ရေးမှူး)သည် မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ သက်ဆိုင်ရာဌာနများမှ တာဝန်ရှိသူများနှင့်အတူ (၁၅-၁-၂၀၂၅)ရက်၊ (၁၀၀၀)အချိန်တွင် စစ်တပင်ကျေးရွာအုပ်စု၌ အုပ်ချုပ်ရေးမှူးရုံး ဆောက်လုပ်နေမှုအခြေအနေအား ကွင်းဆင်းကြည့်ရှု စစ်ဆေးခဲ့ပြီး လိုအပ်သည်များညှိနှိုင်းဆောင်ရွက်ခဲ့ကြောင်း သတင်းရရှိပါသည်။

ရေသန့်စက်တပ်ဆင်ထားရှိမှုအခြေအနေအား ကြည့်ရှုစစ်ဆေး

၁၄-၁-၂၀၂၅

ရှမ်းပြည်နယ်၊ မိုင်းတုံခရိုင်၊ မိုင်းတုံမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးလွင်မိုး (မြို့နယ် အုပ်ချုပ်ရေးမှူး)၊ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ မြို့နယ်မိခင်နှင့်ကလေးစောင့်ရှောက်ရေး အသင်းဥက္ကဋ္ဌနှင့် အဖွဲ့ဝင်များ၊ မြို့နယ်အမျိုးသမီးရေးရာအဖွဲ့ဥက္ကဋ္ဌနှင့် အဖွဲ့ဝင်များသည် (၁၄-၁-၂၀၂၅)ရက်၊ (၀၉၀၀)အချိန်တွင် မိုင်းတုံကျေးရွာအုပ်စု၊ ပိန်းမုံကျေးရွာ၊ အ.မ.က-ခွဲ (ပိန်းမုံ)ကျောင်း၌ ရေသန့်စက် တပ်ဆင်ထားရှိမှုအခြေအနေအား ကြည့်ရှုစစ်ဆေးခဲ့ပြီး ကျောင်းအတွက် အသုံးပြုနိုင်ရန်အတွက် ရန်ပုံငွေ (၅၀,၀၀ဝိ/-)နှင့် ကျောင်းသုံးစာရေးကိရိယာ များအား ထောက်ပံ့ပေးအပ်ခြင်း၊ ကျောင်းသား/ ကျောင်းသူများအား အာဟာရဒါနအဖြစ် အုန်းနို့သာကူ တိုက်ကျွေးခြင်းတို့ ဆောင်ရွက်ခဲ့ကြောင်း သတင်းရရှိပါသည်။

ကွန်ကရစ်တံတားတည်ဆောက်ခြင်းလုပ်ငန်း ဆောင်ရွက်ပြီးစီးမှုအခြေအနေအား ကွင်းဆင်း စစ်ဆေး

၁၄-၁-၂၀၂၅

မွန်ပြည်နယ်၊ ကျိုက်ထိုခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကံစောလှိုင် (ခရိုင်အုပ်ချုပ်ရေးမှူး) သည် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ ခရိုင်/ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်များ၊ သက်ဆိုင်ရာဌာနများမှ တာဝန်ရှိသူများနှင့်အတူ (၁၄-၁-၂၀၂၅)ရက်၊ (၀၉၃၀)အချိန်တွင် ၂၀၂၄-၂၀၂၅ ဘဏ္ဍာရေးနှစ်၊ ပြည်နယ်ရန်ပုံငွေဖြင့် ဆောက်ရွက်သည့် ကျိုက်ထိုမြို့နယ်၊ မုက္ခမူကျေးရွာ၌ ကွန်ကရစ်တံတားတည်ဆောက်ခြင်းလုပ်ငန်း ဆောင်ရွက်ပြီးစီးမှုအခြေအနေအား ကွင်းဆင်း စစ်ဆေးခဲ့ကြောင်း သတင်းရရှိပါသည်။

ကွန်ကရစ်လမ်းခင်းခြင်းလုပ်ငန်း ဆောင်ရွက်နေမှုအခြေအနေအား ကွင်းဆင်းစစ်ဆေး

၁၀-၁-၂၀၂၅

ရှမ်းပြည်နယ်၊ လွိုင်လင်ခရိုင်တည်ဆောက်ရေးနှင့် လုပ်ငန်းစိစစ်ရေးကော်မတီဥက္ကဋ္ဌ ဦးကြည်မြင့်(ခရိုင်အုပ်ချုပ်ရေးမှူး)သည် ခရိုင်စီမံအုပ်ချုပ်ရေးအဖွဲ့ အဖွဲ့ဝင်များ၊ ခရိုင် တည်ဆောက်ရေးနှင့် လုပ်ငန်းစိစစ်ရေးကော်မတီအဖွဲ့ဝင်များနှင့်အတူ (၁၀-၁-၂၀၂၅)ရက်၊ (၁၀၀၀)အချိန်တွင် ၂၀၂၄ - ၂၀၂၅ ဘဏ္ဍာရေးနှစ်၊ ပြည်နယ်ရန်ပုံငွေဖြင့် ရွှေလွန်းသံစဉ်ကုမ္ပဏီမှ တာဝန်ယူဆောင်ရွက်သည့် လွိုင်လင်မြို့နယ်၊ ဘက်စုံသုံးအားကစားခန်းမရှေ့ လျှောက်လမ်း၌ ကွန်ကရစ်လမ်းခင်းနေမှုအခြေအနေအား ကွင်းဆင်းစစ်ဆေးခဲ့ပြီး လိုအပ်သည်များ ညှိနှိုင်း ဆောင်ရွက်ခဲ့ကြောင်း သတင်းရရှိပါသည်။